पदर

 रणरणत्या उन्हात

जणू पावसाची सर

तसा मनाला दिलासा

तुझा मायेचा पदर

आयुष्याची सारी स्वप्न

तुझ्यातून जन्म घेती

जणू बीजा जोजविते

कुशीत ओली माती

ठेच लागताच मला

तुझ्या डोळ्याला पाझर

रात्रंदिस माझ्यासाठी

तुझे कष्टात राबणे

सुखी ठेवजो बाळाला

देवापाशीचे मागणे

माझ्या सुखासाठी सारे

तुझ्या गाण्यातील सूर

जगण्याचे सारे काटे

का ग! तुझियाच पायी?

आसू डोळ्यात रोखून

कशी गाते ग अंगाई?

कशी पेलते सुखाने

साऱ्या संसाराचा भार?

आता मीही देवापाशी

वर एकच मागावा

नित्य तुझ्या सुखासाठी

उभा जन्म हा झिजावा

तुझ्या पायाशी लोळावे

सारे सुखाचे आगर.

धिरज चौधरी....

16/03/2016